Online-skriveseminar: Fá hjálp til tína Nordplus umsókn
Luttak í einum av okkara tveimum webinarum tann 9. ella 15. januar og fá tips og vegleiðing til at fylla út umsóknarskjalið um stuðul til mobilitets- og samstarvsverkætlanir í Nordplus, so tú ert klárur at søkja til freistina tann 3. februar 2025.
Les meir og melda til her: Online-skriveseminar: Fá hjálp til tína Nordplus umsókn 2025-01-09T13:00:00+01:00 2025-01-09T14:30:00+01:00
Tíð og stað
Nær: 09. januar 2025 frá 13:00 til 14:30
Hvar: Zoom
Um Nordplus
Norðurlendska ráðharra ráðið samtykti í 2019 eina grøna, kappingarføra og sosialt burðardygga samfelagsliga visjón fyri Norðurlondini fram til 2030. Regiónin skal verða tann burðardyggasta og tað best integreraða økið í heiminum. Ráharraráðið hevur gjørt greitt, at alt arbeiðið innan norðurlendskt samstarv skal stuðla undir at náa hesi visjón. Í 2024 umfarinum ynskir Nordplus umsóknir undir temainum “Styrkt útbúgvingarsamstarv til frama fyri einari sosialari burðardyggari framtíð”
Les meir um Nordplus Highlight
Styrelsen for Universiteter og Internationalisering hevur ábyrgdina av kunning og vegleiðing í Danmark. Í Føroyum kunnar og vegleiðir útbúgvingarvegleiðarin á Vegleiðingarstovuni um Nordplus.
Ætlanin við Nordplus skipanunum er, at tær skulu styrkja norðurlendska-baltiska felagsskapin og samleikan við støði í søguligu, mentanarligu og demokratisku felagseyðkennunum hjá londunum. Skipanirnar eru ætlaðar til undirvísing á øllum stigum.
Um stuðulsskipanirnar
- Nordplus Junior er ætlað til lærarar og næmingar í barnagørðum, fólkaskúlum, miðnámsskúlum og innan yrkisútbúgvingarnar
- Nordplus Hægri Útbúgving er ætlað til at menna samstarv fyri lærarar og studentar innan hægri útbúgvingar í Norðurlondunum
- Nordplus Vaksin er ætlað at menna samstarvið fyri fólksliga upplýsing og undirvísing av vaksnum
- Nordplus Horisontal er ein tvørgangandi skipan. Verkætlanir sum fara um vanligu bólkarnar og sektorarnar og verkætlanir, sum arbeiða við øðrum, nýggjum, breiðari og meiri kompleksum málum kunnu fáa stuðul
- Nordplus Mál og Mentan er skipan, sum skal menna støðuna hjá teimum norðurlendsku málunum bæði millum Norðurlondini og altjóða
Skipanin er galdandi fyri øll Norðurlond, Danmark, Finnland, Ísland, Noreg, Svøríki, Grønland, Føroyar og Álandsoyggjarnar og tey trý baltalondini, Estland, Letland og Litava eru eisini við.
At søkja um stuðul
Her kanst tú lesa eina leiðbeining um hvussu tú gert, tá ið tú skal søkja um stuðul. Eisini kanst tú her lesa eina trin fyri trin innleiðing til umsóknartilgongdina.
Tað finst eisini ein Nordplus hondbók við allari hentari vitan um skipanina. Hondbókin er bæði á enskum og skandinaviskum máli.
Umsóknarfreistin er 1. februar
Nordplus Junior, Nordplus Vaksin og Nordplus Mál og Mentan hava eisini freist 1. oktober hvørt ár – tað kanst tú lesa meira um á síðunum, sí leinkju omanfyri, fyri tær ymisku skipanirnar.
Nordplus Junior
Nordplus Junior er ætlað lærarum og næminginum í fólkaskúlum, miðnámsskúlum og innan yrkisútbúgvingarnar.
Nordplus Junior er stuðuls skipan hjá Norðurlendska minnistararáðnum. Skipanin stuðlar samstarvið millum norðurlendsku og baltisku londini innan dagstovna øki, fólka og grundskúla øki. Tað eru áleið 19 milliónir settar av til stuðul á hvørjum ári.
Endamálið er at fremja samstarv og netverk millum skúlar í londunum fyri at styrkja um góðskuna, kreativitetin og nýskapan í forskúlum, í fólkaskúlanum og á miðnám.