Nú er møguligt at søkja inn á miðnám og yrkisútbúgving til komandi skúlaár. Innskrivingin er tøk á heimasíðuni innskriving.fo, har søkjast kann um upptøku við talgildum umsóknarblaði.

Miðnámsskúlar skipa í næstum fyri kunningartiltøkum kring landið. Til ber at lesa meira um kunningartiltøkini á facebook síðunum hjá miðnámsskúlunum. Sí eisini teirra heimasíður her: 

Glasir

Miðnám á Kambsdali

Miðnám í Vestmanna

Tekniski skúlin í Klaksvík

Miðnám í Suðuroy

Ein gymnasial miðnámsútbúgving tekur vanliga trý ár og gevur tær førleikar til framhaldslestur á hægri lærustovni í Føroyum ella uttanlands. Ein yrkisútbúgving tekur vanliga fýra ár, har meginparturin av læruni fer fram á einum virki, og umleið ein fjórðingur av tíðini er skúlagongd. Við eini yrkisútbúgving verður tú til reiðar at arbeiða sum faklærdur.

Útbúgvingartilboðini eru mong, og tí kann vera torført at velja útbúgving. Fyri at gera tað lættari at velja útbúgving, er ein kunningarfaldari gjørdir um yrkis- og miðnámsútbúgvingar í 2024. Faldarin verður serliga útflýggjaður til 9. og 10. floksnæmingar, men hann er eisini talgildur og tøkur á heimasíðuni Les meir her