Markleys Útbúgving

Far inn á síðuna.

Markleys Útbúgving 2021 – fyri næmingar á miðnámi

Markleys útbúgving hjálpir tær víðari við tínari útbúgving
Vælumtókta útbúgvingarstevnan Markleys Útbúgving verður 15. september 2021 í Norðurlandahúsinum. Markleys Útbúgving er ein útbúgvingarstevna, har útbúgvingarstovnar greiða frá møguleikum at útbúgva seg. Í ár verður eisini høvi at hoyra meira um karrieruskifti. Orsakað av koronustøðuni, eru bert føroyskir luttakarar til staðar í Norðurlandahúsinum. Okkara útlendsku gestir luttaka talgilt. Tiltakið verður opið fyri næmingum á miðnámi um dagin við einari spennandi skrá.

Frá kl. 09.00 til kl. 09.20 er skráseting á skránni. Tá tit koma inn í høllina møta tit okkum við inngongina har tit verða skrásett so vit vita at øll eru komin væl uppá pláss. Síðan fara vit inn í høllina til felagskunning.  

09.20 bjóða vit vælkomin í høllini
kl. 09.25 Jenis Av Rana, landsstýrismaður í Uttanríkis og Mentamálum setur Markleys Útbúgving
kl. 09.40 Durita Samuelsen greiður frá
kl. 09.55 Bankagóð fíggjarráð
kl.10.05 Maiken Skarðenni greiður frá um at velja útbúgving
Síðan fara tit víðari til tykkara fyrilestrar. Tit skulu nú, tað vil siga beint nú og ikki 15. sep. velja hvørjar fyrilestrar tit vilja hoyra. Longri nirri á síðuni velja tit, leggja tykkara navn, telefon nr. og skúla inn og siga “Skráset nú”. 

Kl. 11.50 verður døgurða steðgur tá vit bjóða ein lættan bitan og tit hava møguleika at síggja og heilsa uppá tey sum eru í básinum í Norðurlandahúsinum.

14.30 Møtast vit øll aftur í høllini og tað verður lutakast um ein festival pakkað. Tit hava øll møguleika at vinna atgongumerki til komandi festivalarnar.

Markleys Útbúgving er eitt upplýsingarátak ætlað fráfaringarflokkunum í miðnámsskúlunum, men onnur, sum ynskja kunning um útbúgvingarmøguleikar, eru eisini vælkomin.

Markleys Útbúgving 2022 var 2. november í Norðurlandahúsinum.

Næmingar frá miðnám meldaðu seg til fyrilestar og básar á degnum. Meira kunning um tilmelding var hjá vegleiðarinum á miðnámi.  

Sí tilmelding til Markleys Hvølpar her

Sí tilmelding til Markleys Kettlingar her

Um tú ert áhugað/ur í at fáa kunning, ert tú vælkomin at seta teg í samband við Vegleiðingarstovuna á vegleiding@uvs.fo.

Vegleiðingarstovan samstarvar millum annað við MFS, Ráð teirra lesandi, Yrkisdepilin, Lestrarvegleiðarafelagið og útlendsk vegleiðarfeløg um at geva miðnámsnæmingum eitt gott grundarlag at velja sína víðari útbúgving.

Við at upplýsa um nógvu valmøguleikarnar, fáa miðnámsnæmingarnir íblástur og betri vitan, um ta stóru lestraravgerðina.

Markleys Útbúgving 2023 – Vit fegnast um enn eitt væleydnað tiltak fyri 20indu ferð
Í ár kunnu vit fegnast um, at Markleys Útbúgving var sera væl eydnað, og at tiltakið nú hevur 20 ár á baki. Hetta merkir, at tiltakið nú er eldri enn fleiri luttakarar, sum koma til Markleys Útbúgving.

Holger Arnbjerg, sum eigur hugskotið til Markleys Útbúgving, og hevur staðið á odda fyri tiltakinum flestu árinini, fekk tí ein heiður fyri avrikið og megnar tiltakið, sum hann hevur latið okkum øðrum.

Til Markleys Útbúgving fingu næmingar høvi at hoyra um at lesa í millum annað Stóra Bretlandi, Skandinavisku londunum, Íslandi, Grønlandi, USA, Fraklandi, Pólandi og ikki minst í Føroyum. Harumframt kundu næmingarnir hoyra um aðrar møguleikar, til dømis skiftislestur, útbúgvingarvegleiðing, arbeiðið í KT vinnuni, yrkislæru, at taka eitt ár frí, filmsframleiðslu og annað.

Næmingarnir brúktu helvtina av tíðina at vitja teir 15 básarnar, sum vóru á degnum. Við básarnar høvdu næmingarnir høvið at seta beinleiðis spurningar um útbúgvingar í Føroyum og í øðrum londum. Millum annað hægri lestur, sjóðvinnuútbúgvingar, yrkisútbúgvingar, stuðulsviðurskifti og mangt annað.

Vit vilja fegin takka øllum luttakarum, samstarvspørtum og stuðlum, sum gjørdu at tiltakið kundi bera til.

Væleydnað Markleys Útbúgving 2024

Vit vilja takka fyri eitt væleydnað Markleys Útbúgving 2024, har næmingar fingu høvi at hoyra um útbúgvingarmøguleikar í millum annað Stóra Bretlandi, Norðurlondum, USA, Fraklandi, Póllandi og ikki minst í Føroyum. Harumframt kundu næmingarnir hoyra um aðrar møguleikar, so sum skiftislestur, útbúgvingarvegleiðing, at taka eitt ár frí, filmsframleiðslu og annað.

Næmingarnir brúktu helvtina av tíðini at vitja teir 15 básarnar, sum vóru á degnum. Við básarnar høvdu næmingarnir høvið at seta beinleiðis spurningar um útbúgvingar í Føroyum og í øðrum londum, millum annað hægri lestur, útbúgvingar innan heilsu, yrkisútbúgvingar, stuðulsviðurskifti og mangt annað.

Vit vilja fegin takka øllum luttakarum, samstarvspørtum og stuðlum, sum gjørdu, at tiltakið kundi bera til.

Sí myndir frá Markleys Útbúgving.

Lorem ipsum dolor sit amet consectetur. Ultricies justo pharetra vulputate fringilla turpis risus lectus dui felis. Quam at augue auctor arcu id semper lorem. Ornare sagittis eget in proin sagittis platea lacus mattis. Arcu duis sed turpis egestas vitae sollicitudin. Nunc et vitae vivamus nulla. At viverra etiam morbi suscipit sit duis sed. Mi blandit nam at tempor quisque molestie quis auctor enim. Egestas est eget semper tristique augue sed ultricies scelerisque.