Les í Svøríki
Útbúgving
Á Studera.nu kanst tú leita eftir útbúgvingum og lesa um hægri lestur í Svøríki. Útbúgvingar á enskum finnur tú eisini á Study in Sweden.
Kanna altíð upplýsingar um innihald og serlig upptøkukrøv á heimasíðuni hjá lærustovninum.
Søk inn á hægri útbúgving
Til flestu útbúgvingar á svenskum søkir tú á Antagning.se. Vanligar freistir eru 15. apríl til heysthálvuna og 15. oktober til várhálvuna. Til nógv ensk útbúgvingartilboð verður søkt fyrr gjøgnum Universityadmissions.se.
- Stovna brúkara og finn útbúgvingarnar.
- Kanna almenn og serlig upptøkukrøv.
- Send prógv og onnur kravd skjøl innan skjølafreistina.
- Raðfest valini og fylg við upptøkusvarinum.
Legg merki til: Freistir kunnu broytast, og einstakar útbúgvingar kunnu hava egna freist.
Finn bústað
Í stórum lestrarbýum kann bústaðarbíðilistin vera long. Set teg í bústaðarkø, so tíðliga sum til ber, og kanna bæði lestraríbúðir og privata leigumarknaðin.
Lærustovnurin og Info Norden hava kunning um bústað. Tak ongantíð av einum leigumáli ella flyt pening, fyrr enn tú hevur kannað útleigaran og sáttmálan.
Føroysk prógv og málkrøv
Flestu bachelorútbúgvingar eru á svenskum, meðan nógv mastertilboð eru á enskum. Til útbúgvingar á enskum skalt tú ofta skjalprógva enskkunnleika.
Føroyskt miðnámsprógv kann verða brúkt sum grundarlag undir umsókn. Antagning.se ella lærustovnurin ger endaligu metingina av prógvi, málførleika og fakligum krøvum.
Fíggjarviðurskifti
Føroyingar eru danskir ríkisborgarar og skulu vanliga fyrst kanna rættin til danskan SU, eisini tá lisið verður í øðrum Norðurlondum. Útbúgvingin skal lúka treytirnar fyri stuðli.
Um SU ikki veitir stuðul, kann Studni í ávísum serligum førum veita stuðul til hægri heiltíðarlestur í Norðurlondum. Studni hevur eisini ferðastudning til lesandi uttanlands.
Kanna fíggingina, áðrenn tú tekur av einum lestrarplássi, og legg eina fíggjarætlan fyri bústað, ferðing, mat og aðrar útreiðslur.
Skattur
Flytur tú til Svøríkis at lesa og hevur arbeiði ella aðra inntøku har, kanst tú verða skattskyldug/ur har. Reglurnar eru treytaðar av bústaði, longdini á uppihaldinum og slagnum av inntøku.
Fá skattaviðurskiftini í rættlag frá byrjan. Kanna eisini hjá TAKS, um tú varðveitir skattskyldu í Føroyum ella skalt lata upplýsingar í báðum londum.
Hentar leinkjur
Fá hjálp og vegleiðing
Hevur tú spurningar um útbúgvingarval, upptøkukrøv ella umsóknina, ert tú vælkomin at seta teg í samband við Vegleiðingarstovuna á vegleiding@uvs.fo.
Info Norden hevur kunning um at flyta, lesa og búgva í Svøríki.