Tíðindi
27. oktober 2020
Studni partur av nýggja Vanganum

Føroyingar fáa nú sín egna talgilda samleika og við honum atgongd til nýggja Vangan, ið savnar alskyns tænastur á einum staði.

Samleikin er talgild innritan og undirskrift, ið lýkur altjóða krøv um talgildar samleikar. Vangin er nýggjur tænastuportalur, har føroyingar kunnu avgreiða síni egnu persónligu viðurskifti tryggari, lættari og skjótari.

Studni er partur av nýggja Vanganum, har tað í fyrstu atløgu verður møguligt at søkja um lestrarstuðul til útbúgvingar í Føroyum og um ferðastuðul millum lond.

Harumframt ber til at síggja allar tínar lánsupplýsingar t.e. skuld, inngjøld og rentur v.m.

Arbeitt verður við at talgilda øll umsóknarbløðini hjá Studna, soleiðis at tað skjótt eisini verður møguligt at søkja um lestrarstuðul til lestur uttan fyri Norðurlond, verkætlanarstudning, barnsburðarfarloyvi og lestrarlán á Vanganum.

Við Vanganum verður munandi lættari hjá umsøkjarum at søkja lestrarstuðul og avgreiðslutíðin verður stytt. 


16. november 2020

Nordplus webinar 8. december

29. oktober 2020

Markleys útbúgving 2020

27. oktober 2020

Studni partur av nýggja Vanganum

02. oktober 2020

Hug at lesa í Onglandi?