Kalendari

Møguleiki at søkja stuðul: Minningargrunnur Johannu og Conrad Skaale

ley. 15. aug.

... søk innan 15. august 2020

Minningargrunnur Johannu og Conrad Skaale

 

Við hesum verður boðað frá, at Minningargrunnur Johannu og Conrad Skaale býtir stuðul út sambært umsóknum.

 

Endamál grunsins eru:

     -    At veita stuðul til útbúgving til eftirkomarar eftir systkjunum hjá Johannu og Conrad Skaale,

     -    at veita stuðul til útbúgving hjá foreldraleysum børnum uttanfyri slektina,

     -    at veita stuðul til børn, ið eru foreldraleys, ella sum hava mist annað av foreldrunum, og sum eru treingjandi á ein hvønn hátt, og

     -    í serligum førum at veita stuðul til onnur ungfólk, hóast umsøkjararnir ikki lúka treytirnar omanfyri, tá helst til útbúgvingarendamál.

 

Umsóknir um stuðul úr grunninum skulu vera inni í seinasta lagi 15. august 2020, og umsøkjararnir kunnu rokna við at fáa svar, áðrenn august mánaði er farin.

Umsóknir um stuðul skulu hava neyðugar upplýsingar og prógv um útbúgving higartil, ætlaða útbúgving og mettar útreiðslur í hesum sambandi.

 

Umsøkjarar, ið eru skyldir við stovnararnar sum ásett omanfyri, skulu senda váttanir um skyldskapin saman við umsóknini.

Onnur enn skyldfólk hjá stovnarunum kunnu eisini søkja um stuðul.

 

Umsóknirnar skulu sendast til:

 

Minningargrunnur Johannu og Conrad Skaale

c/o Fríða Patursson

Frúutrøð 4

Postboks 6

110  Tórshavn

frp@jura.fo


Komandi tiltøk

05
aug 2020
Vegleiðingarstovan søkir eftir vegleiðara
15
aug 2020
Møguleiki at søkja stuðul: Minningargrunnur Johannu og Conra…
01
okt 2020
Nordplus
28
okt 2020
MÚ, Markleys Útbúgving